Բարի գալուստ www.shintender.am Կայք։
Սույն Կայքը/հավելվածը պատկանում է «ՇինՏենդեր» ՍՊԸ-ին և հանդիսանում է շինանյութերի գնման տենդերներ կազմակերպելու հարթակ։
Օգտագործման պայմանների կամ ընդհանուր գործունեության հետ կապված ցանկացած հարցերի դեպքում կարող եք կապնվել մեզ հետ։
Ընդհանուր դրույթներ
Նախքան սույն Կայքից օգտվելը խնդրում ենք ծանոթանալ ստորև սահմանված կանոններին և պայմաններին (այսուհետ՝ «Պայմաններ»), որոնք սահմանում են «ՇինՏենդեր» ՍՊԸ-ի (այսուհետ՝ «Մենք», «Մեր» կամ «Ընկերություն») պաշտոնական “www.shintender.am” Կայքից և “Shintender” հավելվածից (այսուհետ՝ «Կայք») (ներառյալ՝ Կայքում մատչելի նյութերի, առաջարկվող ծառայությունների և գործառնական հնարավորություններից) օգտվելու կարգը:
Կայք մուտք գործելով, այնտեղ առկա նյութերը դիտելով կամ Կայքն այլ կերպ օգտագործելով Կայքից օգտվող անձը (այսուհետ՝ «Դուք», «Ձեր», «Գնորդ», «Վաճառող», «Օգտատեր») հաստատում է, որ ծանոթացել և ընդունում է Պայմանները և տեղյակ է, որ Պայմաններն ունեն Ձեր և Ընկերության միջև Կայքի օգտագործման կապակցությամբ կնքվող պայմանագրի իրավաբանական ուժ: Պայմաններին համաձայն չլինելու դեպքում խնդրում ենք դուրս գալ Կայքից:
Մենք կարող ենք մեր հայեցողությամբ, նախնական ծանուցմամբ կամ առանց դրա փոփոխել Պայմանները: Դուք տեղյակ եք, որ Կայքից օգտվում եք օգտվելու պահին հրապարակված Պայմաններին համապատասխան և պարտավոր եք ինքնուրույն ծանոթանալ հետագա բոլոր փոփոխություններին: Ձեր կողմից Կայքից օգտվել շարունակելը նշանակում է, որ Դուք ծանոթացել և ընդունել եք Պայմանների փոփոխությունները: Դուք պարտավորվում եք ապահովել, որ Ձեր ինտերնետային կապը և/կամ համակարգչային և բջջային սարքավորումներն օգտագործող այլ անձինք օգտվեն Կայքից Պայմաններին համապատասխան:
Կայքը նախատեսված է միայն չափահասների համար: Դուք հաստատում եք, որ դուք կամ առնվազն 18 տարեկան եք, կամ էմանսիպացված անչափահաս եք, կամ ունեք ծնողների, խնամակալների և հոգաբարձուների օրինական համաձայնությունը, ամբողջովին իրավունակ և գործունակ եք սույն Պայմաններն ընդունելու և դրանցով առաջնորդվելու համար:
Ընկերությունն իրավունք ունի ցանկացած ժամանակ խմբագրել Կայքի առանձին բաժիններ, վերանայել Կայքի գործառնական հնարավորությունները, դադարեցնել կամ սահմանափակել Կայքի մատչելիությունը ինչպես բոլոր, այնպես էլ առանձին օգտագործողների կամ վերջիններիս խմբերի համար: Դուք տեղյակ եք, որ Ընկերությունը պատասխանատվություն չի կրում վերոհիշյալի հետ կապված Ձեր բոլոր կորուստների և բաց թողնված օգուտի համար:
Կայքը, դրա ամբողջ բովանդակությունը և գործառնական հնարավորությունները (ներառյալ՝ տեղադրված տեքստերը, պատկերները, տեսաձայնային ֆայլերը, դիզայնը) պատկանում են Ընկերությանը կամ օգտագործվում են դրանց իրավատերերի թույլտվությամբ: Բացառությամբ այն դեպքերի, երբ Դուք եք վերբեռնում դրանք։ Այս դեպքում Դուք պարտավոր եք ունենալ օգտագործվող նյութերի բոլոր անհրաժեշտ թույլտվությունները իրավատերերից։ Իրավատերերի կողմից բողոքի ներկայացման դեպքում Կայքը չի կրում պատասխանատվություն նյութերի կիրառման համար և իրավախախտման պատասխանատվությունը ընկնում է նյութը վերբեռնած Օգտատիրոջ վրա։
Ընկերության անվանումը, ապրանքային և սպասարկման նշանները, դրանց վերաբերող լոգոտիպերը, կարգախոսերն ու մտավոր սեփականության օբյեկտ համարվող այլ տարրերը պատկանում են Ընկերությանը կամ օգտագործվում են դրանց իրավատերերի թույլտվությամբ: Դուք չպետք է օգտագործեք այդ տարրերն ու օբյեկտները առանց Ընկերության նախնական գրավոր համաձայնության: Այլ իրավատերերին պատկանող օբյեկտները ենթակա են օգտագործման նրանց համաձայնությամբ:
Կայքի օգտագործումը
Դուք իրավունք չունեք.
Պատասխանատվության բացառումը
Դուք տեղյակ եք և ընդունում եք, որ Կայքը տրամադրվում է օգտվելու պահին առկա պայմաններով և հնարավորություններով (“ինչպես որ կա” և “ինչպես որ հասանելի է”) և Ընկերությունը որևէ պատասխանատվություն չի կրում Կայքի մատչելիության, անվտանգության և Կայքի օգտագործման հետ կապված այլ գործոնների համար:
Անձնական հաշվի ստեղծումը և կառավարումը
Կայքի հասանելի ֆունկցիաներից օգտվելու համար (ներառյալ տենդերների կազմակերպումը և դրանց մասնակցությունը) պետք է ստեղծել անձնական հաշիվ՝ օգտվելով Կայքի ընձեռած ֆունկցիաներից։ Անձնական հաշիվը պետք է լինի միմիայն Ձեր կամ Ձեր ընկերության ճշգրիտ տվյալներով։ Արգելվում է ստեղծել կամ կառավարել հաշիվ մեկ այլ անձի կամ ընկերության անունից։ Անձնական հաշվում նշված տվյալների փոփոխության դեպքում առկա տվյալները պետք է թարմացվեն։ Խնդիրներից խուսափելու համար խորհուրդ է տրվում Ձեր անձնական հաշվի տվյալները երբեք չտրամադրել երրորդ անձանց։ Տրամադրելու դեպքում անձնական հաշվից չարտոնված գործուղություններ կատարելու կամ տվյալների արտահոսքի դեպքում Կայքը չի կրում որևէ պատասխանատվություն։ Յուրաքանչյուր անձի կամ ընկերության համար կարելի է ստեղծել առավելագույնը մեկ հաշիվ։
Օգտվողների տեսակները
Կայքը ունի օգտվողների հետևյալ տեսակները՝
Գնորդ
Գնորդ օգտատիրոջ կարգավիճակը թույլ է տալիս հայտարարել շինանյութի գնման Տենդերներ և ստանալ գնառաջարկներ Վաճառողներից։
Գնորդը Տենդեր հայտարարելու համար պետք է լրացնի տրամադրված ձևը։ Մեկ տենդերը կարող է պարունակել առավելագույնը թվով 30 ապրանքատեսակ։ Դաշտերում լրացված արժեքները չպետք է պարունակեն տվյալներ, որոնցով կարելի է Գնորդին նույնականացնել։
Լրացնելուց հետո աշխատանքային օրերին, ժամը 9։00 - 19։00 հատվածում 1 ժամվա ընթացքում, Գնորդի լրացրած դաշտերի արժեքները վերանայվում են Մոդերատորների կողմից։ Վերանայելուց հետո կամ հայտը հաստատվում է և դառնում հասանելի Վաճառողների համար, կամ հետ է ուղարկվում Գնորդին՝ լրամշակման։
Տենդերները պետք է լրացվեն հնարավորինս ճիշտ և մանրամասն, քանի որ հաստատումից հետո այլևս ենթակա չեն փոփոխման։
Տենդերը լրացնելիս Գնորդը նշում է ժամկետ, թե երբ է անհրաժեշտ ստանալ ցուցակագրված ամբողջ շինանյութը։
Գնորդը մինչ շինանյութի ստացման օրվան նախորդող 2-րդ օրվա ժամը 21։00-ն պարբերաբար և իրական ժամանակում ստանում է Տենդերին մասնակցած Վաճառողների գնառաջարկները, իսկ ընտրություն կատարելու վերջնաժեմկետ է սահմանվում ստացման օրվան նախորդող օրվա ժամը 14։00-ն։ Գնորդը կարող է ընտրել ներկայացված գնառաջարկներից մեկը, մեկից ավելի գնառաջարկներ, եթե Տենդերում նշված շինանյութի ամբողջական ցուցակը ապահովվում է Տենդերի մեկից ավել պատասխաններով, կամ կասեցնել ընթացող Տենդերը։ Գնորդի ընտրությանը օժանդակելու համար Գնառաջարկի հետ մեկտեղ հասանելի կլինեն նաև Վաճառողին տրված այլ օգտատերերի գնահատականները։ Գնորդը ազատ է ընտրել ցանկացած գնառաջարկ։ Նշված ժամկետում հաղթողին չընտրելու դեպքում, Տենդերը հայտարարվում է անվավեր և տեղափոխվում է “Արխիվ” բաժին։ Նշված ժամկետում հաղթողին ընտրելու դեպքում, Գնորդը պետք է վճարի Տենդերի գնառաջարկ(ներ)ում նշված ամբողջ արժեքը, ինչից հետո Գնորդի և Վաճառողի կոնտակտները ավտոմատ կերպով հասանելի են դառնում միմյանց։ Վաճառողը ծանուցվում է, որ իր առաջարկը հաղթել է, գնառաջարկի համաձայն վճարումը արդեն կատարված է և իրենք պարտավորվում են նշված ժամկետում տրամադրել շինանյութը։ Առանց վճարման հաստատումը համարվում է անվավեր։ Վճարման ձախողման դեպքում Գնորդը շարունակում է հնարավորություն ունենալ ընտրել և վճարել իր նախընտրած գնառաջարկի համաձայն ամբողջ արժեքը, մինչև շինանյութի ստացման նախորդող օրվա ժամը 14։00-ն։ Շինանյութը ստանալիս, Գնորդը պարտավոր է Կայքում՝ Տենդերի հայտի մեջ նշել ստացման մասին։ Գնորդի կողմից վճարված գումարը Վաճառողին փոխանցվում է միմիայն Գնորդի կողմից շինանյութը ստանալու հաստատումից հետո։ Հաստատելուց հետո Գնորդը պարտավորվում է ըստ Վաճառողի կատարած աշխատանքի իրեն գնահատել նշված դաշտերում։ Չհաստատելու դեպքում, Վաճառողը իրավունք է ստանում հետ վերցնել տրամադրված շինանյութը։ Շինանյութը չստանալու դեպքում՝ Գնորդի ուղարկված վճարը բանկային փոխանցումների ընթացակարգերի համաձայն հետ է վերադարձվում նրան։
Գնորդը կարող է լինել երկու տեսակի՝
Ստորև բերվում են յուրաքանչյուր տեսակին բնորոշ առանձնահատկությունները։
Ֆիզիկական անձ
Ֆիզիկական անձի կողմից բոլոր տեսակի վճարումները իրականացվում են բացառապես առցանց բանկային քարտի տերմինալի միջոցով։ Շինանյութի ստացման օր կարելի է նշել նվազագույնը 3-ից մինչև 33 օր ժամկետում։
Իրավաբանական անձ
Իրավաբանական անձի կողմից բոլոր տեսակի վճարումները իրականացվում են կամ իրավաբանական անձանց բանկային քարտի առցանց տերմինալի միջոցով, կամ դրա բացակայության դեպքում՝ բանկային փոխանցման միջոցով։ Եթե իրավաբանական անձը գրանցման ընթացքում “ Ունե՞ք իրավաբանական անձի վճարային քարտ” դաշտում նշել է “Ոչ” պատասխանը, ապա շինանյութի ստացման օր կարող է նշել նվազագույնը 7-ից մինչև 37 օր ժամկետում։ Տվյալ դեպքում Գնորդը գնառաջարկներ ստանում է մինչև շինանյութի ստացման օրվան նախորդող 6-րդ օրը, ժամը 21։00-ն, իսկ գնառաջարկ(ներ) կարող է ընտրել մինչև ստացման օրվան նախորդող 5-րդ օրվա ժամը 14։00-ն։ Գնառաջարկ ընտրելուց հետո կատարվող վճարումը բանկային փոխանցմամբ իրականացնելու համար Գնորդին տրվում է վերջնաժամկետն՝ շինանյութի ստացման օրվան նախորդող օրը, ժամը 14։00-ն։ Վճարում չկատարելու դեպքում տենդերը կհամարվի անվավեր և կտեղափոխվի “Արխիվ” բաժին։
Վերը նշված դաշտում “Այո” պատասխանը նշելու դեպքում շինանյութի ստացման օր կարող է նշել նվազագույնը 3-ից մինչև 33 օր ժամկետում։ Տվյալ դեպքում Գնորդը գնառաջարկներ ստանում է մինչև շինանյութի ստացման նախորդ 2-րդ օրվա ժամը 21։00-ն, իսկ գնառաջարկ(ներ) կարող է ընտրել մինչև ստացման նախորդ օրվա ժամը 14։00-ն։
Վաճառող
Կայքում առկա Տենդերներին գնառաջարկ ուղարկելու համար Վաճառողը պետք է գրանցվի։
Տենդերին Վաճառողը գնառաջարկով մասնակցելու համար, պետք է լրացնի հատկացված ձևը։ Տենդերում նշված շինանյութի տեսակներից յուրաքանչյուրի կողքին առկա է լինում «Նշել արժեք» գրառմամբ կոճակ, որին սեղմելով բացվում է՝ և միավոր արժեքի դաշտ, և քանակից կախված տվյալ շինանյութի համար ընդհանուր արժեքի դաշտ, որը հաշվարկվում է ավտոմատ կերպով, երբ լրացվում է միավոր արժեքը։ Տվյալ դեպքում Տենդերի ամբողջական գնառաջարկը ավտոմատ կերպով հաշվարկվում է յուրաքանչյուր շինանյութի ընդհանուր արժեքի, առկայության դեպքում բեռնափոխադրման և բանվորական ուժի ընդհանուր արժեքների հանրագումարով։ Գնորդը տեսնելու է ամբողջական գնառաջարկը, որին ավտոմատ կերպով ավելացվում է 7,7 տոկոս միջնորդավճար։
Դաշտերում լրացված տվյալները և վերբեռնված լուսանկարները չպետք է պարունակեն տվյալներ, որոնցով կարելի է Վաճառողին նույնականացնել։ Լրացնելուց հետո աշխատանքային օրերին ժամը 9։00 - 19։00 հատվածում 1 ժամվա ընթացքում Վաճառողի լրացրած դաշտերի տվյալները վերանայվում են Մոդերատորների կողմից։ Վերանայելուց հետո՝ կամ Տենդերի պատասխանը հաստատվում է և դառնում հասանելի Գնորդի համար, կամ հետ է ուղարկվում Վաճառողին՝ լրամշակման։ Տենդերի պատասխանները պետք է լրացվեն ճշգրիտ և մանրամասն, քանի որ հաստատումից հետո այլևս ենթակա չեն փոփոխման։ Գնորդի կողմից Վաճառողի պատասխանը նշված ժամկետում չընտրելու դեպքում, այն տեղափոխվում է “Արխիվ” բաժին։
Գնորդի կողմից Վաճառողի պատասխանը ընտրելը նշանակում է որ Վաճառողի կողմից նշված արժեքը Գնորդը արդեն փոխանցել է մեր հաշվին։ Այդ պահից Վաճառողի և Գնորդի կոնտակտային տվյալները ավտոմատ կերպով փոխանցվում են միմյանց և Վաճառողը պարտավորվում է նշված ժամկետում, ըստ Տենդերի պայմանների, տրամադրել շինանյութը։ Շինանյութի բարեհաջող փոխանցման դեպքում, Գնորդը պարտավորվում է իր հաշվում ընձեռնված դաշտում նշել դրա մասին։ Գնորդի կողմից շինանյութը ստանալու փաստը հաստատելու դեպքում, Կայքը(պահելով միջնորդավճար) Վաճառողի կողմից գնառաջարկում նշած գումարը փոխանցում է իրեն՝ Վաճառողին։ Գործարքի ավարտից հետո Գնորդը Վաճառողի կատարած աշխատանքը գնահատում է, որը բոլոր այլ Գնորդների կողմից թողնված գնահատականների միջինացված արժեքներով հասանելի է դառնում տվյալ Վաճառողի հետագա բոլոր Տենդերների մասնակցության հայտերում։ Չհաստատելու պարագայում պատճառները նախ լուծվում են բանակցությունների միջոցով։ Համաձայնություն ձեռք չբերելու դեպքում Վաճառողը հնարավորություն է ստանում հետ վերցնել շինանյութը, իսկ վճարված գումարը հետ է վերադարձվում Գնորդին։
Մոդերատոր
Մոդերատորները հանդես են գալիս Կայքի անունից և ստուգում են Գնորդների հայտերը և Վաճառողների պատասխանները։ Մոդերատորները հնարավորություն չունեն փոփոխել ներկայացված հայտերը և պատասխանները։ Իրավունք ունեն միայն հաստատել կամ հետ ուղարկել լրամշակման՝ մեկնաբանելով թերությունները։
Մոդերատորները պարտավորվում են ստուգել Գնորդների և Վաճառողների գրանցման տվյալների իսկությունը, վերահսկել Կայքից օգտատերերի օգտագործման կանոնների պահանջներին համապատասխան օգտվելը, ինչպես նաև Գնորդների կողմից կազմակերպած Տենդերների ինֆորմացիայի ճշգրտությունը և ողջամտությունը։ Մոդերատորները ստուգում են նաև Վաճառողների կողմից ուղարկված գնառաջարկների Կայքում նշված օգտագործման կանոնների պահանջների համապատասխանությունը և ողջամտությունը՝ հիմնվելով շուկայում գոյություն ունեցող գների վրա։ Խնդիրների առկայության դեպքում կարող են մերժել՝ նշելով մերժման պատճառը։ Երկուստեք մոդերացիա իրականցնելու համար նախատեսված է մեկական ժամ, ժամանակի սպառվելուն պես տվյալ հայտը ավտոմատ կերպով հաստատվում է, իսկ գնառաջարկը՝ մերժվում։ Մոդերատորին արգելվում է փոփոխել, շտկել, կատարել ավելացում, ջնջել որևէ տվյալ կամ տենդերի, գնառաջարկի կամ օգտատերերի տվյալները տրամադրել երրորդ անձի։
Մոդերատորները հանդես են գալիս նաև որպես օպերատորներ՝ հարցերի, դիմումների, բողոքների և առաջարկների համար։ Մոդերատորները հասանելի են նշված եղանակներով՝
Հեռ․՝ +374 (11) 21 21 20
Բջջ․՝ +374 (44) 44 21 20
Էլ-փոստ՝ info@shintender.am
Գաղտնիություն եվ անձնական տվյալների պաշտպանություն
Անձնական տեղեկատվության հավաքման և օգտագործման կարգը պարզելու համար խնդրում ենք ծանոթանալ Մեր Գաղտնիության և տվյալների մշակման քաղաքականությանը: Կայքից օգտվելով՝ Դուք հաստատում եք, որ ծանոթացել և ընդունում եք Մեր Գաղտնիության և տվյալների մշակման քաղաքականությունը:
Կիրառելի իրավունքը և վեճերի լուծումը
Սույն պայմանների նկատմամբ կիրառվում է Հայաստանի Հանրապետության իրավունքը: Դրանից բխող վեճերը լուծվում են Հայաստանի Հանրապետության Օրենսգրքով: