Շինտենդերը վաճառողի համար

1. Արժեք նշելու համար սեղմեք նշված կոճակին,
2. Բացվող դաշտերում նշեք կա՛մ միավորի արժեքը կա՛մ ընդհանուր։ Ցանկացած մեկ դաշտ լրացնելուց մյուսը կհաշվարկվի և կլրացվի ավտոմատ կերպով,
3. Նշված հատվածում առկա են նկար վերբեռնելու և նշումներ թողնելու կոճակներ, որոնք պետք է վերաբերվեն միայն տվյալ շինանյութի տեսակին,
4. Նշված կետերին սեղմելուց բացվող պատուհանում կարող եք ընտրել “Հիշել” տարբերակը, որի դեպքում կպահպանվեն միավորի արժեքը, վերբեռնած նկարը և նշումները, որոնք հետագայում նույն շինանյութի տեսակի դեպքում կարող եք պարզապես տեղադրել՝ սեղմելով “Տեղադրել” տարբերակին։ Տեղադրելուց հետո կարող եք խմբագրել։
5. Այստեղ կտեսնեք գնառաջարկի ընդհանուր արժեքը, որը երևալու է գնորդին։ Եթե ամեն բան կարգին է՝ կարող եք հաստատել գնառաջարկը։

1. Եթե տվյալ տենդերին գնառաջարկ չեք ցանկանում ուղարկել, սեղմեք նշված կոճակին,
2. Սեղմելուց հետո բացվող պատուհանում նշեք պատճառը, որպեսզի հետագայում ստանաք ավելի թիրախային տենդերներ։

1. Սեղմելով նշանին՝ կտեսնեք մոդերատորի մեկնաբանությունը խնդրի վերաբերյալ։ Կատարելով բոլոր փոփոխությունները՝ կարող եք կրկին հաստատել այն։

1. Երբ գնորդը ընտրի Ձեր գնառաջարկը, այն կտեղափոխվի Հաղթած տենդերներ բաժին, որտեղ ստանում է Տրման փուլ կարգավիճակը,
2. Տենդերը և գնառաջարկը տեսնելու համար սեղմեք նշված կոճակին (մանրամասն՝ հաջորդիվ ->):

Հաղթած գնառաջարկ

1. Այստեղ նշված է պատվերի տրամադրման վերջնաժամկետից հաշված հետ հաշվարկը,
2. Նշված հատվածում այն շինանյութի տեսակներն են, որոնք պետք է տրամադրեք գնորդին։ Առկայության դեպքում կտեսնեք համապատասխան շինանյութին վերաբերող գնորդի վերբեռնած լուսանկարները և նշումները,
3. Առկայության դեպքում այստեղ կլինի ընդհանուր տենդերին վերաբերող գնորդի կողմից գրված նշումները,
4. Նշված հատվածում կտեսնեք գնորդի հեռախոսահամար(ներ)ը, առաքման առկայության դեպքում՝ հասցեն, հարկը, առաքման օրը և ժամային միջակայքը
5. Եթե գնորդը հանդիսանում է իրավաբանական անձ, ապա նշված հատվածում կլինեն նրա իրավաբանական տվյալները,
6. Տվյալ հատվածում լինում է Ձեր գնառաջարկը,
7. Եթե գնառաջարկ էիք կատարել տենդերում նշված շինանյութի ոչ բոլոր տեսակների համար, ապա գնորդը կարող է Ձեր գնառաջարկի հետ միասին ընտրել այլ գնառաջարկներ, որոնք ապահովում են տենդերում նշված շինանյութի մյուս տեսակները։ Առկայության դեպքում նշված հատվածում կտեսնեք այդ գնառաջարկները։

Գնառաջարկներում ներառված շինանյութի միջինացված միավորի արժեքներ

1. Տվյալ ցանկը բաղկացած է այն շինանյութի տեսակներից, որոնց համար ուղարկել եք առնվազն մեկ գնառաջարկ,
2. Վերը նշված ցանկում ընտրելով մեկ շինանյութի տեսակ՝ նկարում նշված հատվածում կտեսնեք բոլոր վաճառողների հաղթած գնառաջարկներում տվյալ տեսակի համար նշված միավորի միջինացված արժեքը։ Այլ կերպ ասած՝ դա այն միջինացված արժեքն է, որով գնորդները ընտրել են տվյալ շինանյութի տեսակը ներառող գնառաջարկները,
3. Այստեղ կտեսնեք տվյալ շինանյութի տեսակի միավորի միջինացված արժեքները՝ ըստ վաճառողների, որտեղ դեղին կետով նշված կլինի Ձեր ցուցանիշը, իսկ մուգ գույնով՝ նվազագույն և առավելագույն ցուցանիշները։
   Ուշադրություն. Վաճառողների անունները չեն նշվում։
4. Նշված տվյալները հասանելի են ոչ բոլորին

Տվյալներին հասանելիություն կստանաք, երբ՝

5. Մասնակցեք նվազագույնը 3 տենդերի (ուղարկեք գնառաջարկ),
6. Տենդերներին մասնակցելու ցուցանիշով գերազանցեք 30%-ը,
7. Գնահատականների միջին արժեքը գերազանցի 4.2 ցուցանիշը։

Վաճառված շինանյութի տեսակներ

1. Տվյալ աղյուսակի տողերում դասավորված են վաճառված բոլոր շինանյութի տեսակները՝ իրենց ընդհանուր քանակներով, միավորի միջինացված արժեքներով և ընդհանուր գումարներով, իսկ սյունյակներում կարող եք տեսնել դրանց բաշխվածությունը՝ ըստ տենդերների,
2. Եվ վերջում, եթե ունեք այլ տվյալների կարիք կամ ցանկանում եք ստեղծել անհատական վիճակագրական բազա, գրեք մեզ։ Եթե դա իրատեսական լինի, չհակասի հարթակի օգտագործման կանոններին և գաղտնիության քաղաքականությանը, ապա պատրաստ կլինենք համագործակցել։

Հաղթած տենդերներ

Այս բաժին կտեղափոխվեն այն տենդերները, որոնցում Ձեր ուղարկած գնառաջարկները հաղթել են։

1. Սեղմելով նշված հատվածին՝ կտեսնեք տվյալ գնառաջարկում ներառված շինանյութերի տեսակները։

Կայացած - Գնորդը հաստատել է շինանյութը հաջողությամբ ստանալու փաստը,

Գումարը փոխանցվել է - Գումարը փոխանցվել է Ձեր հաշվեհամարին։ Հաշվի առեք, որ գումարի փոխանցումից հետո ստացումը կարող է 1-2 աշխատանքային օր տևել,

Տրման փուլ - Դեռ չեք տրամադրել պատվերը կամ գնորդը չի հաստատել ստացման փաստը,

Հրաժարվել եմ - Ստացման կարգավիճակում գնորդը նշել է “Վաճառողը հրաժարվել է”։ Նշված դեպքում խնդրին լուծում տալու նպատակով Ձեզ հետ կապ կհաստատեն մեր աշխատակիցները,

Գնորդը հրաժարվել է - Ստացման կարգավիճակում գնորդը նշել է “Հրաժարվում եմ”։ Նշված դեպքում նույնպես Ձեզ հետ կապ կհաստատեն մեր աշխատակիցները։

Արխիվ

Այս բաժին կտեղափոխվեն Ձեր կամ համակարգի կողմից արխիվացված տենդերները։

1. "Կայացած" բաժնում կլինեն այն ավարտված տենդերները, որոնցում գնորդը նշել է շինանյութը հաջողությամբ ստանալու մասին,
2. "Չեղարկված" բաժնում կլինեն այն տենդերները, որոնցում Ձեր գնառաջարկը հաղթել է, սակայն կողմերից մեկը հրաժարվել է,
3. "Չկայացած" բաժնում կլինեն այն տենդերները, որոնցում՝

• Նշել եք “Հետաքրքրված չեմ”, որից հետո չեք վերականգնել,
• Մոդերատորը մերժել է, որից հետո փոփոխություն չեք կատարել,
• Ձեզ չեն ընտրել, որից հետո արխիվացրել եք,
• Գնորդը չեղարկել է, որից հետո արխիվացրել եք։