Շինտենդերը գնորդի համար

1. Տենդերի մեկ հայտում կարող եք նշել առավելագույնը 30 շինանյութի տեսակ։

2. Շինանյութ ընտրելուց հետո պետք է ընտրել քանակը և չափման միավորը։

   ՈՒՇԱԴՐՈՒԹՅՈՒՆ

   Օրինակ, ծեփամածիկ ընտրելու դեպքում անհրաժեշտ է նշել պարկերի քանակը, այլ ոչ՝ պարկի քաշը, իսկ պարկի քաշը պետք է նշել անվանման դաշտում` որպես շինանյութի բնութագիր։

3. Յուրաքանչյուր շինանյութի հետ հնարավոր է կցել տվյալ շինանյութին առնչվող մեկ նկար և կատարել հավելյալ նշումներ։

4. Նշված դաշտում նշում եք առաքման, կամ շինանյութը վերցնելու օրը և ժամային միջակայքը։

   Օրերը սահմանափակված են`

   • Ունեք իրավաբանական անձի վճարային քարտ - Տենդեր հայտարարելու օրվան հաջորդող 3-րդ օրվանից սկսած մինչև 33-րդ օրը,
   • Չունեք իրավաբանական անձի վճարային քարտ - Տենդեր հայտարարելու օրվան հաջորդող 7-րդ օրվանից սկսած մինչև 37-րդ օրը։
5. Եվ վերջում, որպես հավելում կարող եք նշումներ կատարել ընդհանուր տենդերի, առաքման կամ բանվորական ուժի վերաբերյալ, որը կարող է օգտակար լինել վաճառողների համար։

6. Տենդերը հայտարարելու փոխարեն այն կարող եք փոխանցել (կամ ստանալ) այլ գնորդի, ով կարող է լրամշակել, հայտարարել և ընտրել գնառաջարկ։

   Գործիքը նախատեսված է այն դեպքերի համար, երբ շինանյութի ցանկ կազմելը և ձեռք բերելը կատարվում են տարբեր անձանց կողմից

Եթե առաքման կարիք չունեք և պատրաստ եք ինքներդ վերցնել պատվերը, ապա առաքման դաշտում նշեք “Ոչ” տարբերակը, որի դեպքում համակարգը հնարավորություն կտա սահմանափակել տենդերի տարածման տիրույթը, որպեսզի գնառաջարկներ ստանաք Ձեզ առավել հարմար տարածքից։

4. Նշեք հասցեն, որից հաշվարկվելու է տարածման տիրույթը,
5. Ընտրեք հեռավորությունը, և քարտեզի վրա կտեսնեք տարածքի այն հատվածը, որը ներառվում է նշված տիրույթում,
6. Եթե հեռավորության խնդիր չկա և ցանկանում եք տենդերը տարածել հնարավորինս շատ վաճառողների շրջանում (օրինակ, շինանյութի քիչ հանդիպող տեսակների դեպքում), ապա նշված դաշտում նշեք “Ոչ” պատասխանը։

1. Սեղմելով նշանին՝ կտեսնեք մոդերատորի մեկնաբանությունը խնդրի վերաբերյալ։ Կատարելով բոլոր փոփոխությունները և նորից լրացնելով ժամկետը՝ կարող եք կրկին հաստատել այն։

1. Եթե գնառաջարկը ներառում է Ձեր պահանջած շինանյութի բոլոր տեսակները, ապա կարող եք միանգամից գնել նախընտրելի առաջարկը՝ տեղում վճարելով դրա համար (մանրամասները տեսե՛ք "Վճարում" բաժնում)։
2. Եթե գնառաջարկը չի ներառում շինանյութի բոլոր տեսակները, ապա կարող եք տվյալ գնառաջարկը ավելացնել ընտրվածների ցուցակում՝ սեղմելով "Ընտրել" կաճոկը։
3. Նշված տողում կարող են լինել վաճառողի կողմից՝ տվյալ շինանյութին վերաբերվող վերբեռնած լուսանկարը և մեկնաբանությունը։
4. Սեղմելով նշված դաշտին՝ կտեսնեք գնառաջարկում չներառված շինանյութ(եր)ը։
5. Նշված հատվածում կարող է լինել ընդհանուր տենդերին վերաբերվող՝ վաճառողի կողմից գրված մեկնաբանությունը։

1. Ընտրելով այն գնառաջարկը՝ որը չի ներառում շինանյութերի ամբողջ ցանկը, այն հայտնվում է էկրանի աջ հատվածում նշված դաշտում։
2. Եթե հավանել եք գնառաջարկը և ցանկանում եք համեմատել այլ գնառաջարկի հետ, "ամրացրեք" այն էջի վերևի հատվածում՝ սեղմելով գնառաջարկի ներքևում նշված կոճակին։

3. "Գնել” կոճակի վերևում լինում է ընտրված գնառաջարկների արժեքների հանրագումարը և գոյացող ԱԱՀ-ն, որի հաշվարկը չի ներառում այն վաճառողների գնառաջարկները, որոնք չեն հարկվում ԱԱՀ-ով։

   Եթե ունեք իրավաբանական անձի վճարային քարտ, ապա սեղմելով նշված կոճակին կտեղափոխվեք վճարման էջ (մանրամասները տեսե՛ք "Վճարում" բաժնում)

4. Սեղմելով կոճակին՝ համակարգը կթողնի նվազագույն արժեքով և պատվիրած բոլոր շինանյութի տեսակները ապահովող գնառաջարկները։ Բոլոր շինանյութի տեսակները ապահովելու անհնարինության դեպքում նշված կլինեն շինանյութի բացառված տեսակները։

1. Եթե գրանցման ընթացքում նշել եք, որ ունեք իրավաբանական անձի վճարային քարտ, ապա վճարումը իրականացվում է քարտի միջոցով (մանրամասն՝ հաջորդիվ)
2. Եթե նշել եք, որ չունեք իրավաբանական անձի վճարային քարտ, ապա վճարումը իրականացվում է "Շինտենդեր" ՍՊԸ-ի բանկային հաշվեհամարին, որի համար տրվում է 4 օրացուցային օր։

   2.1. Փոխանցման համար անհրաժեշտ իրավաբանական տվյալները կտեսնեք գնառաջարկ ըմտրելուց հետո՝ սեղմելով "Գնել" կոճակին։

Գումարը հաշվեհամարին մուտք լինելուց հետո միայն վճարումը կհամարվի հաստատված և ընտրված գնառաջարկներ կատարած վաճառողները կստանան տենդերում հաղթելու մասին տեղեկությունը։

Անվտանգություն

Քարտի տվյալները չեն պահվում, և յուրաքանչյուր վճարման ժամանակ անհրաժեշտ է լինելու նորից լրացնել քարտի տվյալները։ Քարտային գործարքների անվտանգությունն ապահովվում է 3D Secure/ Secure code տեխնոլոգիայով:

Դա նշանակում է, որ վճարում կատարելիս, SMS հաղորդագրությամբ կուղարկվի մեկանգամյա գաղտնաբառ, որը մուտքագրելուց հետո միայն հնարավոր է իրականացնել գործարքը: Նշված ծառայությունը հնարավորություն է տալիս նույնականացնել քարտապանին վճարման պահին` էլ ավելի բարձրացնելով գործարքի անվտանգության մակարդակը:

Հաշվապահություն

Վաճառողները շինանյութերի հետ Ձեզ կփոխանցեն հաշիվ-ապրանքագիր¹՝ առանց միջնորդավճարի, իսկ պատվերի ստացման հաստատումից հետո Ձեզ կփոխանցվի "Շինտենդեր" ՍՊԸ-ի կողմից՝ միջնորդավճարի չափով հաշիվ-ապրանքագիր²

1. Այո

   Եթե ստացել եք պատվերը, կրկին ստուգեք այն, որից հետո միայն նշեք - "Այո"։ Տվյալ դեպքում պարտադիր է լինում գնահատել վաճառողի կատարած աշխատանքը։ Ձեր գնահատականի շնորհիվ այլ գնորդներ ավելի ճիշտ կկայացնեն որոշում։

   ՈՒՇԱԴՐՈՒԹՅՈՒՆ

   "Այո" պատասխանը նշելուց հետո գումարը կփոխանցվի վաճառողին։

   1.1 Ցանկության դեպքում կարող եք թողնել մեկնաբանություն:

2. Ընթացքի մեջ է

   Տվյալ դեպքում անհրաժեշտ է նշել՝ երբ է նախատեսվում պատվերի ստացումը։

3. Հրաժարվում եմ / Վաճառողը հրաժարվել է

   Այս դեպքում պարտադիր է մանրամասնել հրաժարման պատճառը, որից հետո Ձեզ հետ կապ կհաստատի մեր աշխատակիցը։ Անհրաժեշտության դեպքում կարող եք վերբեռնել մեկ նկար՝ հրաժարման պատճառը ավելի հիմնավոր դարձնելու համար։

1. Տվյալ հասցեի կայացած տենդերների ընդհանուր արժեքը,
2. Հասցեն անվանելու հնարավորություն, որով հետագայում՝ տենդեր հայտարարելուց, կարող եք ավելի հեշտ ընտրել առաքման հասցեն։

Որևիցե հասցեի էջ մուտք գործելուց հետո վիճակագրության տվյալները փոխվում են տվյալ հասցեի ցուցանիշներով՝ բացի ընդհանուր փոխանցած տենդերներից և դրամապանակից։

3. Նշված պատուհանում կարող եք տեսնել տվյալ ժամանակահատվածում կատարված գործողությունների հակիրճ նկարագրությունները,
4. Ժամանակային միջակայք ընտրելու դեպքում տվյալ էջի բոլոր վիճակագրական տվյալները փոխվում են նշված ժամանակահատվածի ցուցանիշներով՝ բացի դրամապանակից։

1. Ընդհանուր վիճակագրության էջի տվյալ աղյուսակի տողերում դասավորված են պատվիրված բոլոր շինանյութի տեսակները՝ իրենց ընդհանուր քանակներով, իսկ սյունյակներում կարող եք տեսնել դրանց բաշխվածությունը՝ ըստ հասցեների։

   1.1 Եթե նույն հասցեով նույն շինանյութից ձեռք եք բերել մեկից ավելի անգամ, ապա սեղմելով նշված հատվածին, կարող եք տեսնել՝ երբ է առաքվել, որքան և տվյալ տենդերի համարը։

2. Հասցեի էջում տվյալ աղյուսակի տողերում դասավորված են տվյալ հասցեի համար պատվիրված բոլոր շինանյութի տեսակները՝ իրենց ընդհանուր քանակներով, իսկ սյունյակները բաշխված են՝ ըստ տենդերների։

Այն փոխանցված տենդերների կայացած գործարքների արժեքից ձևավորվող միջնորդավճարների կուտակային հաշիվ է։

1. Սեղմելով նշված կոճակին` կբացվի նկարում պատկերված պատուհանը(1.1),
2. Նշված դաշտում երևում է փոխանցած տենդերների կայացած գործարքների(2.1) ընդհանուր գումարը, որից հաշվարկվում է միջնորդավճարը,
3. Այստեղ միջնորդավճարի հաշվարկվող տոկոսագումարի աճման միջակայքերն են` ըստ կայացած տենդերների ընդհանուր գումարի,
4. Դրամապանակի մնացորդային գումարը մասնակի կամ ամբողջությամբ կարող եք ստանալ 3 աշխատանքային օրվա ընթացքում Ձեր բանկային հաշվեհամարին։

Այս բաժին կտեղափոխվեն այն տենդերները, որի համար ընտրել եք գնառաջարկ(ներ) և կատարել վճարում։

1. Սեղմելով նշված հատվածին՝ կտեսնեք տվյալ գնառաջարկում ներառված շինանյութերի տեսակները։

Ստացման փուլ - Դեռ չեք ստացել պատվերը, կամ ստացման կարգավիճակում նշել եք “Ընթացքի մեջ է” պատասխանը,

Հրաժարվել եմ - Ստացման կարգավիճակում նշել եք “Հրաժարվում եմ”։ Նշված դեպքում խնդրին լուծում տալու նպատակով Ձեզ հետ կապ կհաստատեն մեր աշխատակիցները,

Վաճառողը հրաժարվել է - Ստացման կարգավիճակում նշել եք “Վաճառողը հրաժարվել է”։ Նշված դեպքում նույնպես Ձեզ հետ կապ կհաստատեն մեր աշխատակիցները։

Գումարի վերադարձ - Գործարքը չեղարկվել է և "Շինտենդեր" ՍՊ ընկերության կողմից կիրականացվի գումարի վերադարձ։

Վերադարձված է - Գումարը փոխանցվել է Ձեր հաշվեհամարին։ Հաշվի առեք, որ գումարի փոխանցումից հետո ստացումը կարող է 1-2 աշխատանքային օր տևել։

Այս բաժին կտեղափոխվեն Ձեր կամ համակարգի կողմից արխիվացված տենդերները։

1. "Կայացած" բաժնում կլինեն այն ավարտված տենդերները, որոնցում նշել եք շինանյութը հաջողությամբ ստանալու մասին,

2. "Չեղարկված" բաժնում կլինեն այն տենդերները, որոնցում ընտրել եք գնառաջարկ(ներ), սակայն կողմերից մեկը հրաժարվել է,
3. "Չկայացած" բաժնում կլինեն այն տենդերները, որոնցում՝
   • Գնառաջարկներ առկա չեն եղել,
   • Գնառաջարկ ընտրելու ժամանակը ավարտվել է,
   • Չեղարկել եք տենդերը,
   • Մոդերատորը մերժել է, որից հետո արխիվացրել եք,
4. "Փոխանցած" բաժին կտեղափոխվեն այն տենդերները, որոնք կազմել և փոխանցել եք այլ գնորդների։ Բաժնում կարող եք հետևել տենդերի ընթացքին: